Coffee聞殘廁偷食 尷尬中死穴

藝員利嘉兒日前亮相由林芊妤（Coffee）、樓南光和吳日言主持的奇妙電視節目《吾男吾女》，四人大談偷食話題，利嘉兒大爆指錄影廠戲棚暗角位是圈中男女的偷食熱點！她嘖嘖稱奇表示：「可能拍完嘢收咗廠，貪冇人會走返入廠啩！」

自爆曾鬼祟拍拖

講到圈中偷食熱點，樓南光亦有耳聞，但他似乎沒有想到身旁Coffee曾發生「殘廁Gathering」事件，樓南光爆出一句：「我聽聞的版本是在醫院殘廁內發生！」Coffee聞言即一臉尷尬！但見到樓南光講得繪影繪聲，Coffee又被逗得笑不攏嘴，更自爆曾為拍拖而偷偷摸摸，她說：「如果迫不得已真係要偷食就自己小心啦！好似我未公開拍拖時，出親街都要佢行開啲，唔好挨咁埋，好似身有屎咁！就算去外地旅行，都咪以為安全咗，因為人人都有手機，全民皆記者，邊度都咁危險！」

「個字有少少敏感」

Coffee及後接受訪問，講到她遇到樓南光提及「殘廁」的反應，她認為對方沒有惡意：「我自己係有陰影，但想向好方面諗，可能大家冇我咁敏感，講出嚟未必有心、或者針對緊我。個字係有少少敏感，自己聽到正常係有少少尷尬同唔舒服，我發覺都有幾多唔可以講嘅嘢，但冇理由永遠唔提。（有冇聽講藝人喺片場偷食？）我都係聽番人哋講，都冇特定地方同人物喎！」

文：影視組