莊思敏睇錯銀碼 怪思明孤寒

藝人莊思敏、莊思明、麥德羅與女友Apple等昨日出席郵輪啟航活動，日前生日的莊思敏輕露事業線，透露沒有追求者約食飯，故僅與思明及其他朋友食飯慶祝。問到思明有何表示？她說：「我哋喺姊妹group講，畀兩萬蚊佢諗買乜嘢，但個傻婆就睇錯銀碼。」莊思敏則說：「我以為係1,500蚊，仲想話呢排咁多嘢做都咁孤寒！」談到有份拍攝無綫新劇《誇世代》的她，對於同劇的歐陽震華於拍攝中途中暑，以及鄧佩儀因受傷辭演，莊思敏說：「我同Bobby唔同線，少對手戲，但鄧佩儀劇入面係我個妹，不過未開始拍，所以進度影響唔大。（要再拜神？）相信唔係成套劇黑仔，因為今次動用全台藝人去拍咁滯，所以有人病同受傷都正常，so far我暫時冇事發生。」