園都溫泉保巨乳

綺麗堅挺

小弟覺得兩個字姓名嘅男人特別有男人味，好似喬峰、虛竹、段譽、郭靖個個都係英雄豪傑，而女仔亦尤其吸引，好似日本寫真界嘅妖艷美人壇蜜就迷盡男人心喇！至於今日為大家介紹嘅寫真界新紮巨乳人氣王個名都係得兩個字，就係園都喇！阿妹現年24歲，但係小弟就覺得佢有報細數之嫌，因為從其綺麗氣質以及散發出嚟嘅女人韻味嚟睇，至少都有27、28歲，不過每當園都展露笑容，一股可愛少女味足以令男人心花怒放，並且勾起大家初戀嘅甜蜜回憶。同好多綺麗美人一樣，園都樣子迷人，身材亦雪白誘人，一身白裏透紅嘅極品美肌比起好多美白產品代言人更加優質吸引，而且阿妹擁有一對堅挺而飽滿嘅純天然G奶，雖然條腰粗咗少少，但係瑕不掩瑜，呢副激凸身材一樣令男人慾火焚身！

愈浸愈索

園都喺上年加入寫真界發展，其雪白豐滿身材固然令佢火速上位，成功吸引觀眾嘅注目，唔少人都大讚園都嘅姊系美貌極具治愈能量，一望就令人心曠神怡，鬱結心情瞬間得以紓解，呢一點小弟相當認同。除咗拍寫真，園都喺電視圈亦相當活躍，演出包括深夜節目《佳代子之部屋》，雖然園都只係節目中芸芸眾多負責做背景多過演出嘅花瓶角色之一，不過其激凸身材依然成為觀眾嘅焦點，其實好多大明星都係由二打六做起，花瓶角色只係過渡性質，園都應該唔會介意。問到阿妹有咩興趣，佢表示最鍾意浸溫泉，除咗能夠令佢放鬆身心，更有助保養豐滿G奶，仲話自己愈浸愈索，亦因為咁，唔少電視節目都搵佢做嘉賓介紹溫泉同分享心得，仲喺鏡頭前親身一脫邊浸溫泉邊講解，不過，我就諗實情係節目製作人睇中園都嘅激凸身材至真！

園都 Profile

年齡：24歲

身高：5呎1吋

三圍：36G-24-35

社交網站

簡介：園都近期工作量相當多，當中大部分都係拍性感寫真，而每次拍攝完之後，阿妹都會喺Twitter同大家分享拍攝花絮，大家Click上去就會睇到好多性感寫真照喇。

網址：https://twitter.com/sono_miyako?lang=ja

撰文：賢