黃建東坦蕩蕩 除晒畀瑪姬睇

「新一代扮嘢王」黃建東與前DJ瑪姬日前被本報捕獲街頭拍拖食魚蛋，一杯飲品兩份飲兼啜爆女方，他們昨日與陸詩韻及何紫綸等人出席慈善活動，一身紅噹噹的瑪姬孖建東一齊受訪，女方全程冧滋滋！問到是否公開戀情？瑪姬否認，並透露認識對方多年，不時傾心事。問到有否發展機會？兩人即互望，建東讚女方說：「佢係女神，又靚、又聰明、又叻。」瑪姬撒嬌直指男方多女埋身：「呢行好難搵到真心朋友，好多戴住面具做朋友，反而佢唔會。」建東笑說：「即係除晒畀你睇。」瑪姬尷尬說：「小心啲講嘢，冇睇過佢全相。」