黎燕珊不捨囡囡嫁人：見少日都唔得
藝人黎燕珊及龔慈恩昨晚分別帶同女兒劉詠詩（Wynce）及林愷鈴（Ashley）出席英皇珠寶母親節「珍·愛」活動，在台上談到母女情時，Wynce及Ashley都不禁感動落淚，場面感人。黎燕珊表示會儲起子女給她的家用買珍珠，笑言：「我話如果想條頸鏈長啲，就唔好咁快結婚！（唔捨得個女？）唔捨得，簡直係唔可以！見少一日都唔得。（唔畀囡囡拍拖？）話冇你都唔信啦，咁靚女！對方一定要好錫佢。（帶畀你過目先？）有幫我整電腦，好乖仔又有責任感。」她又表示有單位邀請她與Wynce母女檔拍真人騷：「個女考慮緊，佢都想試。佢本身做空姐，我唔會逼佢，如果唔做，我只係覺得可惜。」
林愷鈴想留港升學
龔慈恩則指女兒Ashley是個感情豐富的人，問到會否入行當演員？Ashley說：「我係玩藝術嘅人，我鍾意創作，我相信創作唔係單方面就滿足，所以可能電影或電視劇都會參與。」問到會否到外國升讀大學？她坦言不捨得家人：「想留喺香港，離唔開屋企。（訓練獨立！）我平時唔係咁，我係個好獨立、有主見嘅人，屋企令我感到好溫暖，想留喺佢哋身邊。」
楊諾思爆弟弟想生女
而英皇鐘錶珠寶行政總裁楊諾思在場打點，談到母親節如何慶祝，她表示未安排，但將會陪伴母親度過。她表示幾兄弟姊妹在周末都會聚首一堂共享家庭樂，並踢爆胞弟楊其龍想生多兩個：「佢鍾意女，嗰陣佢個女一出世，係個小公主、Angel，個個好錫佢。」
文：名人組