閻奕格恨撈過界演醜女都制

唱得之人閻奕格（Janice）早前剛剛完成《風雲5D音樂劇》，飾演「孔慈」一角大獲好評。談到首次演戲，Janice直言對自己來說難度極高，雖然很多人覺得她的歌手身份，要唱歌一定冇問題，但音樂劇跟唱流行曲有很大分別：「如果平時唱歌一定會要求每粒音都唱到完美先肯收貨，但做音樂劇需要好多感情，好似有幕係我要死，要唱到好似冇氣咁，其實係好難。」Janice坦言排練時很大壓力，因在芸芸演員當中，只有她一個沒有演戲經驗，同時又不能NG又怕會甩詞，故需要花特別多時間去練習：「個個都咁好戲、咁有分量，真係會怕成為大家嘅負累！如果我做得唔好會好礙眼！」

出新碟棄飆高音

提到有了演戲初體驗，日後可會嘗試接拍電影或電視劇？Janice自爆由細到大一直恨做戲，全因兒時迷上由趙薇與林心如主演的電視劇《還珠格格》：「好想做格格！我本身性格都係好男仔頭，咁啱『孔慈』呢個角色好女人，所以好想演古裝！（想試吓演音樂電影？）當然想！係每個歌手同演員嘅夢想，係好大嘅挑戰，如果有機會一定會把握。」又直言甚麼角色都想嘗試，演醜女都絕對冇問題。

閻奕格飾演「孔慈」後愛上演戲，期待再接受挑戰。	初演音樂劇的閻奕格要與鄭嘉穎等前輩「交戲」，壓力甚大。	閻奕格曾徘徊抑鬱邊緣，幸有歌迷支持而康復。

至於音樂方面的計劃，Janice指特別為《風雲5D音樂劇》而延遲推出個人專輯，而風格亦跟過往飆高音的唱法有所改變：「以前參加比賽會有啲Show off技巧，但係人大咗就會想以說故事嘅方式去唱。」講到會否再來香港開騷，Janice感動指幾年前徘徊在抑鬱症邊緣，感激歌迷在低潮過後還記得她，所以會盡快推出原創廣東歌來回饋港迷。

文：音樂組

攝：司徒國榮

服裝：PENNYBLACK

髮型：Haysses Ip @ HAiR

場地：如心艾朗酒店