黃文意遭變態騷擾：問我係女奴定女王！

童星出身的黃文意（Mandy）早前於無綫節目《3日2夜》中以水着上陣，大騷36D「最強Body」，獲封為童顏巨乳系女神，成為無綫新一代咪神。不過Mandy謙稱身材不及其他咪神，更自爆愛着「阿婆內衣」：「其實由細到大對自己嘅身形冇咩自信，因為我係微胖型嘅女仔，唔似其他咪神身材咁弗，有埋馬甲線，所以我通常會包到實一實，甚至着埋阿婆內衣，希望將上圍收收埋埋，睇落唔會咁肥。」

考慮報警

人氣急升的Mandy引來不少狂蜂浪蝶，早前收過開價200萬人民幣（約226萬港元）約飯局，最近更有變態邀約：「節目出街後的確多咗男仔主動想認識我，亦都多咗網友私訊我，不過私訊嘅內容好奇怪，試過有網友問我係『女奴』定『女王』，事後上網查過先知，係問我玩唔玩SM嘅意思，當然最後冇回覆佢。」Mandy指若對方繼續騷擾，會考慮報警求助。

人氣急升的黃文意擁有大批宅男粉絲。	放大圖片	黃文意強調身材純天然，絕對沒有後天加工。

絕不隆胸

正所謂人紅是非多，Mandy的導彈身材被外界質疑人工改造，她強調是純天然：「其實多咗人留意我之後，好多人會直接問我上圍嘅Size，佢哋好好奇係咪真係有咁勁，亦有人覺得我有加工過，但我要澄清真係冇後天加工，同埋要多謝媽咪送畀我呢副好身材。（考慮隆胸？）當然冇，我好怕痛，加上我覺得上圍已經夠用。」

文：專案組

攝：吳文聰

場地：Ocasa屋喔