栢天男遠離「濁」世闖冰山

藝人吳千語師弟栢天男（Adam）向來喜歡極限運動，早前趁假期與一班朋友及教練挑戰韓國冰山。Adam透露首項訓練是要用工具於地上鑽出冰柱作為攀山用的固定點：「要訓練用雪斧、冰錘、冰爪等，其實都幾需要體力，慢慢隻手會冇力同埋會凍，我自己個袋都結冰，煲水都要成半個鐘至四十五分鐘先煲得熱！」幾經辛苦終成功爬上雪山，Adam笑指沒想到過程困難重重：「上到去雙手好僵硬，個人又出晒汗，期間仲成日跣腳，但我都冇諗過放棄，既然嚟到就要完成。」原來Adam四年前已愛上玩極限運動，攀山、攀澗、獨木舟、電單車等都是其興趣，他說：「爬山只係一個起點，我鍾意爬去高處，感覺空氣清新啲，世界冇咁污濁。本來我哋打算九月去歐洲爬冰山，但教練建議我哋先嚟韓國冰山感受吓，今次試完後我覺得未夠經驗，所以會延遲一、兩年先去歐洲嘅冰山。」