李成景談情過後想溫馨

李成景向粉絲派心心賣萌。

提到拍攝《舉》劇要增磅5公斤，她坦言仍未回復最佳狀態：「冇特別減肥，拍完劇有段時間休息，以健康為主，同埋做運動。如果要有完美嘅身段，要再努力啲！」問到想挑戰甚麼角色？她表示從未演過平凡角色，期望有機會嘗試：「以前演嘅都係個性鮮明、強悍嘅角色，反而平凡角色會幾好玩！」除了愛情劇，她亦希望拍攝溫馨家庭劇集：「愛情劇係好玩，再拍家庭嘅感情都唔錯，有機會都想試其他角色，我係Open mind嘅人。」另外，她透露早前趁放假去了米蘭及美國旅遊，整個旅程都勤做運動，希望為下一部作品做足準備。

• 大批粉絲逼爆現場。