陳美齡點評星媽事事SayNo更反叛

陳美齡（Agnes）早前推出新書《40個教育提案—把快樂帶回給香港學生》，成功將3名兒子送入外國名牌大學升學的她，受訪時點評楊千嬅與林熙蕾等圈中星媽的育兒方法，分享湊仔妙法。

了解後發掘潛能

楊千嬅早年曾在訪問中透露不滿兒子Torres喜歡動畫人物Elsa，事後在網上發文道歉，Agnes表示遇上此情況，應該先了解「喜愛」背後的理由，從中發掘小朋友的潛能：「佢能夠表達出嚟，你就要鼓勵佢。」再提到林熙蕾曾揚言「一刀切」禁止女兒睇電視，Agnes指做法不實際，反而應該教導子女如何利用電視等工具學習：「好難避，佢一見到（電視）可能有幾種反應，一係中毒、二係好驚、三係懷疑點解媽媽唔畀我知就繼而反叛。我哋應該好正直咁同佢哋講，電視有好有壞，有啲我哋家長都唔睇，要教識佢選擇。」

陳美齡認為千嬅不應否定兒子的喜好，反而應從中發掘潛能。

陳美齡早前出書，分享教育心得。

親子活動添趣味

現時大部分小朋友都承受沉重壓力，問到平日如何助三位兒子減壓？她表示自小已向兒子強調分數不重要，最重要是明白學習內容。現時的小朋友人人做「低頭族」打機，她指兒子直至初中前都未玩過電子遊戲，方法在於令生活變得比電子遊戲更有趣：「我成日同佢哋出去玩，仲要次次係新嘢，例如落雨就去搵蝸牛。小朋友鍾意興趣，要成日有好多趣事喺袋，咁樣好費心力，但係好值得。電子遊戲係平面，但腦係立體，唔好當電子遊戲同iPad係湊仔工具！」

她又提醒家長要向小朋友學習：「家長記住小朋友一定會超過我哋，如果唔係叻過我哋，社會就會停滯。佢哋嘅意見同奇想其實教緊我哋，畀啟示我哋要點教同協助佢哋學鍾意嘅嘢。」

文：影視組