軒仔讚李居明文才高劇本一晚起貨
堪輿學家李居明前晚在會展舉行《李居明音樂之旅20年演唱會》，邀來鄧梓峰與江美儀擔任司儀，並有張敬軒、薛家燕、蓋鳴暉與吳非凡等擔任嘉賓。甫開場，李居明以閃爆長褸打頭陣，獻唱多首親自填詞的佛歌，雖然身體抱恙，但仍落力演出。
演出中段，張敬軒以神秘嘉賓身份現身獻唱大師為他特別填詞的歌曲，他大讚對方填詞及創作天分高，出自大師手筆的粵劇和佛歌都展現其深厚文學基礎，並笑說：「我親眼見過大師一晚就寫完一個劇本，好似電腦咁Downlaod咗個劇本落嚟！」軒仔其後笑指母親是傳統女性，更是大師的粉絲，每年都會買他的通勝：「新年仲會買紅底褲，唔知點解中間仲會有個喜字，真係大吉利是！」
恨添食繼續唱
李居明完騷後受訪時，坦言全晚心情緊張，擔心因身體抱恙而影響表現，幸而觀眾包容其業餘歌手的水準，又笑說：「同家燕姐同台時唔小心畀喉糖卡到，影響咗之後水準，但係自己都好滿意。」問到會否添食開Part 2？他表示有機會，亦即將到加拿大繼續演出。
文：音樂組
攝：秦健輝