陳偉琪有追求者未揀定
藝員李潤庭、陳偉琪、陳婉婷等昨日出席五月星辰活動。將踏入26歲的陳偉琪表示會與女友人到倫敦旅行慶祝，單身的她直言想拍拖，表示外籍人士也可以，最重要是看個性：「都有圈外追求者，但未決定。（追求者有冇表示？）要生日先知，要增加難度，可能佢要飛去英國，哈哈。」
而經歷過背妻偷食的李潤庭，目前暫時只有《東張西望》主持工作，他坦言生日願望是希望氹番太太：「件事發生後第一個生日，唔知點咁，冇安排慶祝，唯一慶幸係同太太進展良好。（氹番太太？）唔敢咁講，驚佢嬲。（太太搬咗返嚟？）唔係。畀啲時間，希望佢睇到我嘅誠意。」