陳瀅肉搏張振朗尷尬整親「佢」
無綫劇《全職沒女》今晚大結局，劇中離離合合的陳瀅與張振朗將上演一場肉緊床戲，張振朗胸壓穿喱士吊帶裙的陳瀅，場面香艷。
陳瀅受訪指拍攝時勁尷尬：「振朗事後仲話我唔小心整到『佢』，聽到後勁尷尬！」講到對方由首集「裸泳」到結局演床戲頻頻晒Body，曾被振朗寸要減肥的陳瀅即指對方經常當眾換衫，更反寸對方沒有吸引力：「佢唔着衫出咗名啦！佢身形？可以再弗啲囉！仲話我肥喎？我就覺佢太瘦，男仔起碼要大隻過我，佢反而要谷脹啲先夠Man！」但補充振朗拍攝時好紳士，呢點要加分：「其實佢仲尷尬過我，又驚我會唔舒服，佢都算靚仔，要讚番吓！」
三對只能活一對
雖然陳瀅與張振朗劇中有親熱戲，但不代表大團圓，事關劇中除了二人，張兆輝及陳松伶、謝東閔及王卓淇等三對情人中，只有一對終成眷屬。據知謝東閔當卓淇面咀第三者，令戀情告終；而張兆輝會辭任仲夏夜酒店職務，松松則留低學做品酒師……到底最後是「大莊生」張兆輝，抑或是飾演兒子的「細莊生」張振朗抱得美人歸呢？
文：影視組