陳松伶同老公約法三章
藝人陳松伶（松松）於熱播劇《全職沒女》中的沒女角色戀愛大過天，現實中的她與年輕8載的張鐸結婚多年仍恩愛非常，老公對她體貼入微，幸福滿瀉，兩人更有「不可分開超過兩星期」的「相處條款」，松松說：「所以今次返嚟拍劇，機票錢好貴。其實好驚佢嚟探班，因為佢會管我嘅作息時間同飲食，一到凌晨12點佢就會話收工喇、夠鐘瞓覺喇！」
談到老公，松松即禁不住甜笑說：「佢好似我爸爸咁，成日教我注意養生，喺北京生活嘅時候我哋食魚、餃子同煲花膠湯作調理。老公連我護膚都要理，我好懶敷面膜，差唔多要佢遞到埋嚟先搞。」松松坦言當初曾因顧慮年齡差距而婉拒張鐸的追求：「不過後來發覺佢好認真，係個傳統中國男人。」近期對外表示有意領養小朋友的她說：「初期係有討論過（生育問題），依家我哋都有親人要照顧，所以冇再諗。」