秋生自封高手 「莫問」出戰

影星黃秋生昨日在觀塘為ViuTV拍攝節目，一入到廚房便拎起把刀起勢磨，仲即場搵張紙試鋒利程度，甚有台型！提到內地MMA狂人徐曉冬擊敗太極拳師魏雷，其後不少武林中人紛紛向徐曉冬下戰書，有習武的秋生即謂：「我覺得幾似以前50、60年代香港咁，一個地方愈係落後愈係多咁嘅嘢！」講到徐曉冬寸李小龍是業餘，他說：「咁李小龍都寸好多人嘅！李小龍細個時都係落後嘅年代，我細個都同人上天台隻揪，睇吓邊個打得，呢啲咪落後嘅標誌囉。」又謂真正的高手未必會出戰：「例如我，我呢啲高手咪唔會出去打。（你係葉問喎！）我係莫問，問都唔好問我！」之後他又笑指魏雷同徐曉冬本身磅數、條件差距大：「一個傻嘅走出嚟，唔代表成個中國武術唔得o架嘛！」