周秀娜呻孤獨搵仔陪
藝人周秀娜、鄭欣宜及導演彭秀慧昨日到九龍站出席電影《29+1》特別場活動，招待年屆30歲的觀眾，同是下月生日的Chrissie及欣宜帶領全場觀眾合唱生日歌及切蛋糕。
問到31歲的周秀娜過了30歲有何感覺？她笑說：「拍攝時確實係29+1（歲），拍完反而開心咗。（設目標畀自己？）金錢方面，同埋事業上想做啲開心嘢。（你唔開心咩？）票房控制唔到，接劇本亦被動。」問是否心急拍拖？她直呼孤獨：「拍攝時想搵男友拍拖，片中感情好Sad，一個人孤獨得滯，返屋企就想搵個伴，但冇得急。」
29歲的欣宜則不心急拍拖：「自己愈來愈似女強人！」問到下月踏入30歲生日，有否感壓力？她搞笑「講錯嘢」：「冇壓力，我用啲青春投入事業，做想做嘅嘢，訂咗機票返加拿大陪家人。（30歲生日陪家人？）我過唔到30歲！係冇得一齊過，因為我6月底先返去，生日正日可能出Trip工作。」