兩公婆慘變分飛燕 吳奇隆呻冇期造人
台灣藝人吳奇隆、李樂詩（Joyce）、江碧蕙與老公等前晚出席《愛彼女皇盃慶祝派對》，多年前曾在港發展的吳奇隆，以流利廣東話受訪，表示來港一天，之後飛新西蘭工作，而老婆劉詩詩則剛從英國飛往北京工作，更透露對上一次與老婆見面已是上星期。
提到前緋聞女友楊采妮日前誕下孖仔，吳奇隆表示未有機會見到對方，但會恭喜她。問會否希望跟楊采妮一樣生孖仔？他坦言難預算，生男或女都無所謂。問到有否與老婆商量？他想了一會說：「未。（老婆鍾意小朋友？）我哋兩個都鍾意。（心急造人？）見到面先，冇得心急，我同佢有好多工作未安排，完成工作先。」
李樂詩湊仔照唱歌
吳奇隆透露一直投資製作電影及電視劇，今次到新西蘭負責兩部古裝戲製作，自己好少參演公司戲，主要幫手製作。提到楊采妮曾擔任導演，他表示知道，合作則要看緣分，又爆有公司曾邀他回港拍戲，但暫未有時間。
同場的Joyce表示家裏有「四條King」，細仔現在6個月大，大仔及二仔要返學，需要平衡時間繼續歌唱事業，更稱獲老公支持：「依家忙同賈思樂嘅演唱會，啱啱亦傾咗去美國登台，仲有人問我出年搞唔搞演唱會。」談到母親節，Joyce表示會與老公到歐洲過二人世界，重燃拍拖感覺。