贏要謙卑 輸莫自卑 梁雨恩飛鏢學做人

被封做香港「鏢后」的歌手梁雨恩已經玩了四、五年飛鏢，她說：「第一次接觸飛鏢係因為喺教會文化平台上面，擺咗冇人玩嘅飛鏢機，當時感覺好浪費，又叫朋友帶我去買咗套自己嘅私家鏢。」她坦言花了不少時間摸索如何控制飛鏢：「自從接觸飛鏢後，對自己身體認識多咗，譬如點發力，飛鏢亦係一樣好赤裸嘅運動，意思係當你信心稍微有疑惑，支飛鏢就會偏咗。」
目前有開班教飛鏢的梁雨恩，坦言教女仔更得心應手。
目前有開班教飛鏢的梁雨恩，坦言教女仔更得心應手。

飛鏢令梁雨恩學懂要持續面對失敗，她說：「唔會每一支鏢都中，當第一次唔中，我要抹去之前陰影，做好下次要點掟中，就好似做人要忘記過去，努力面前。」飛鏢也令她明白人上有人：「出去比賽發覺好多好高水平嘅選手，冇人會永遠喺最佳狀態，飛鏢教識我勝利時要謙卑，失敗時唔可以自卑，一定要繼續努力。」

梁雨恩透過比賽，見識到世界各地不同的飛鏢高手。
  • 梁雨恩透過比賽，見識到世界各地不同的飛鏢高手。