利嘉兒熱捧全智賢太陽眼鏡
利嘉兒近年對時裝甚有研究，緊貼潮流新事物，炎夏就到，太陽眼鏡不可少，她特別推介早前韓星全智賢戴過、即火速被追捧的太陽眼鏡，她說：「依家好興粉色太陽眼鏡，粉紅、黃、粉藍等，叫做室內太陽鏡，即夜晚或室內都可以戴，變咗係一個裝飾，呢對係Gentle Monster太陽眼鏡，因為全智賢戴過，非常受歡迎，依家已經斷咗貨。」另外，平光鏡今季亦是潮物之選，她說：「Gentle Moster眼鏡近年係大熱，而呢兩年好興戴平光鏡，呢對係限量版，個款比較誇張，個玻璃面積幾大，似係實驗室護目鏡，我覺得佢就好有型、好搶眼，如果平時化淡妝又想畀人感覺有型，戴上去好突出。」
此外，利嘉兒還介紹了色彩繽紛的鞋履：「近年好興草鞋，呢對有晒夏天嘅元素，好Colorful，腳踭位唔同色彩好有層次感，而且有民族Feel，通常草鞋畀人感覺係去度假，呢對加咗金屬、窩釘嘅元素變得更潮。另外，呢兩季好興拖鞋型嘅鞋，好多品牌都有出，我自己好鍾意呢對嘅質料，佢係刺繡，以金色同銀色為主，襯衫好容易，又高貴，加上今年好興爛牛仔褲，着住呢對鞋襯條爛牛仔褲好大嘅對比，好有型。」
