吳日言「小學雞」被點穴

吳日言（Yan）兩歲開始住在沙田美林邨，住了十多年，長大後曾搬到馬鞍山，之後一直在港島區居住。這天重回童年長大的地方，百感交集。第一站去了當年就讀的小學，但原來舊址的小學已停辦，雖然還未拆卸，但已經封鎖了；而昔日小學現時跟另一間小學合併，位置不同。

「覺得自己老咗！」

是日她重遊新舊校舍，回想還是「小學雞」日子，笑料百出：「返番嚟呢度，真係覺得自己老咗！記得以前小息就會去小食部買嘢食，我最鍾意食豬柳包，但淨係食塊豬柳，麵包就畀同學食，搞到大個都只係食餸唔食飯，同埋以前小息完打鐘，個個同學就好似畀人點咗穴咁唔郁，諗番覺得好傻，哈哈！」她謂現在的老師都很年輕，以前覺得老師都是很大的「大人」，轉眼自己已變成小學生眼中的「大人」了。

母校已停辦，吳日言只能坐在校門前的長椅細說昔日與同學交換閃卡。	吳日言到訪合併後的新校舍，別有一番滋味。	這條行人橋和河曾是吳日言小時候的「天堂」，百厭的她常與鄰居爬落去嬉戲。

百厭妹「天堂」探險

新舊小學在美林邨一條河的兩邊，河上有一條行人橋，這裏就是Yan小時候的「天堂」，常常與鄰居到這裏玩，現在回想其實很危險，認真百厭：「嗰陣返小學每日必經呢條橋，唔好睇條河好似冇乜水，如果一落大雨就會變咗條大河，細個好曳，冇水時就走落去探險，依家諗番真係好危險，但呢個係我一個好深刻嘅童年回憶！」經過這條河就是小學，小學門外有張長椅，每朝早Yan都會在椅子等同學，然後在這裏交換美少女閃卡，她笑說：「要抽100張卡先會有一張閃卡，仲有一種閃中閃卡，一蚊一張閃卡，以前嚟講好貴（口架）喇！我諗只有80後先會知咩叫閃卡，哈哈！」

吳日言最愛屋邨的冬菇亭大牌檔，覺得很有風味！	吳日言到屋邨小公園嚷着要玩，見到牆與牆之間的小縫，笑言現在還「穿得過」。	放大圖片

難忘冬菇亭鑊氣

離開學校，Yan再在屋邨四處走走，不過很多地方已變遷，零食店士多已沒有了，變為新式食肆，走到停車場旁，發現大牌檔仍在，開心不已，她說：「唔知點解呢啲大牌檔會叫做冬菇亭，細個成日嚟食飯，熱熱鬧鬧，好有風味，其實依家呢啲冬菇亭都買少見少，但相信好多人都會好懷念佢哋嘅鑊氣同味道！」

後記：對呢度有份情意結！

Yan說長大後家人住在港島區，已甚少回來，但偶爾就會想念這裏，她說：「第一次同老公拍拖，就係嚟沙田食雞粥，對呢度有份情意結。今次返嚟都覺得變化好大，將來都想帶小朋友返嚟，畀佢知道香港嘅變化！」她說儘管將來會變成甚麼模樣，但對這個成長地的情懷永遠不會變的。

文：Ada Lam

攝：劉武