《巨星放題2.0》：欣宜聲大冇貨賣 何雁詩扮蠢中兩元
東網巨星節目《巨星放題2.0》推出以來深受讀者歡迎，三位魔鬼教官黃秋生、陳凱琳及吳業坤繼續發問搞笑有趣的IQ題及冷知識。今集接受考驗的三位歌手分別是何雁詩、王梓軒及鄭欣宜，阿詩未開波已先自認冇乜IQ，王梓軒更打定輸數笑說：「我好有信心三條都答唔到。」唯獨欣宜氣勢十足說：「即管放馬過嚟！」
Q1 莎士比亞四大悲劇是《哈姆雷特》、《奧賽羅》、《馬克白》及哪部作品？
Q2 最唔誠實嘅食物係咩？
Q3 究意有咩海洋生物係冇人敢掂呢？
經過一輪挑戰後，阿詩及欣宜的IQ似乎比王梓軒好。一開始自嘲「冇乜IQ」的阿詩最叻，連續答中兩條之餘，仲用她最專長的歌聲將其中一條答案唱出來！而欣宜都成功答中其中一條搞鬼IQ題，不過她就笑罵吳業坤「好爛囉。」至於王梓軒果然有先見之明，真係三條都答唔中。動完腦筋，三位亦「還招」出題考大家！
何雁詩：星期日邊度最多菲律賓人？
欣宜：有咩貓不吃魚的？
王梓軒：世上咩動物是最「串」？
《巨星放題2.0》每周逢周一及周五都會更新推出，大家可以透過東網App內東網巨星的巨星台及ontv東網電視click入東網巨星收看。