樂易玲：佢之前都有打點自己後事

無綫高層樂易玲、汪明荃、吳雨、杜平、吳孟達、劉丹、羅蘭及鄭丹瑞等昨晚到尖沙咀出席《EYT 50週年聯歡晚宴》，提到資深電影人陳佩華昨晨病逝，樂易玲哀傷表示曾與對方在無綫藝員部共事五、六年，大讚對方能幹、勤力及時刻充滿笑容：「佢好安詳咁返去天家，其實佩華姐都有預備o架喇！佢家人、兒孫、佢最緊張嘅藝人、拍檔喺呢段日子都有探佢。佩華姐之前身體仲OK嗰陣，大家都有飲茶，佢都覺得好感恩。其實佢之前都有打點自己後事，最後佢住呢間療養院都係自己揀，我尋（前）日有見佩華姐，佢好靚皮膚好好，頭髮好靚。（因為淋巴癌過身？）佢係有癌症，末期時已經擴散到身體唔同地方，佢好勇敢。」