資深電影人陳佩華淋巴癌逝世 鄧智偉心痛 鋼琴曲贈伯樂
資深電影人陳佩華昨日不敵癌魔與世長辭，曾為不少經典電影擔任監製的她亦在無綫任職過高層，與她合作過的影視紅星無不感到惋惜！視她為伯樂的鄧智偉直言心痛，北上工作的吳卓羲更稱之前約了陳佩華見面：「但佢等唔到我返嚟！」
曾為《重慶森林》、《表姐，妳好嘢！》等經典電影擔任監製，以及曾經在無綫藝員部任職高層的陳佩華，昨晨7時因淋巴癌離世，終年68歲。一眾與她合作過的影視紅星感到悲痛惋惜。音樂才子鄧智偉昨日在社交網站透露陳佩華離世消息，指對方是他人生中第一個伯樂：「現在我只可遙遠地送上一首鋼琴曲給你，願你安息……」身在外地的鄧智偉接受電話訪問時直言痛心，又指對方病了一段時間：「佢對我太重要喇！佢教識我好多，佩華姐入無綫時提攜咗我好多，我亦冇見過佢唔開心，佢成日都笑。」
林峯如痛失親人
無綫出身、最近轉戰影圈的吳卓羲亦視陳佩華為伯樂，正北上到南昌工作的他傷心表示，日前才相約對方回港後見面：「佢成日問我經理人：『卓羲點呀？』間唔中我哋都有見面，但佢等唔到我返嚟！」並指陳佩華很愛錫他，教懂他不少做人道理。而林峯則直言有如痛失親人：「佩華姐對我嚟講，就好似一個親人，一路都對我哋每一個藝人都好悉心咁照顧，唔係淨係工作上，亦教咗我好多人生道理，好傷心佢突然離去。」
洪金寶懷念親切笑容
在影壇上舉足輕重的洪金寶同樣對陳佩華逝世感到難過，沒想過對方如此快便離開：「從我第一部做導演嘅電影《三德和尚與舂米六》，以及以後每部電影，差唔多都係佩華幫我做製片，佢一直幫助我！」他透露當年建立電影公司，所有員工都是陳佩華安排：「好心痛！但一諗起佩華，我嘅回憶都係佢嘅笑臉，我會永遠懷念佢！」
文：影視組