周柏豪10周年開騷SM誘惑打頭陣

周柏豪身穿魚網衫透視結實肌肉，充滿SM誘惑。

柏豪唱得Hyper，在舞台兩邊跑來跑去，看到粉絲揮動燈棒時說：「歌迷會整呢啲燈棒扣除成本，啲錢會拎去做慈善，我呢句多謝唔係Hea，作為偶像可以影響到好多人，畀到大家正面影響，希望為社會、下一代去做其他嘢。」

今年是柏豪入行10周年，他坦言追夢而犧牲不少，包括跟家人相處時間，又不時懷疑自己的能力：「今次開呢個10周年騷，上年自己冇新歌，都驚啲人會走晒！每次唔開心，我就會聽番同團隊製作嘅歌，啲歌除咗幫你哋打氣，有時仲可以幫到自己，喺最壞時代搵到最美好一日。」

開騷前，柏豪在後台進行拜神儀式，獲數十歌迷到場叫「加油」，親民的他不時跟粉絲揮手。他又抱着印有Q版造型的紀念咕o臣拍照，不忘搞笑說：「攬住我啦！」其後拋起其中一個咕o臣時卻被打中Cap帽，非常搞笑！

周柏豪在舞台兩邊跑，與粉絲近距離接觸。	連詩雅（右）與黎紀君捧周柏豪場。	顏卓靈（右起）、麥明詩與溫家偉排排坐睇騷。