郭羨妮恨生B呻老公太忙

藝人陳鍵鋒、郭羨妮、王宗堯及周家怡等昨日出席活動，郭羨妮表示早前復活節跟家人齊齊到台灣旅遊，但老公有工作在身而未能同行。她更直言很想再生多個B：「希望今年可以好幸運地中獎，但老公好忙，我要自己去搵佢，都好慘o架。」而久未露面的陳鍵鋒近年主攻內地市場，受訪時透露即將接拍真人騷。他直言一向都不喜歡讓大家看到赤裸裸那面，故會謹慎選擇節目，而今次就會拍攝帶小孩到外地尋找爸爸的節目：「我平時對小朋友都比較少耐性，所以都幾大挑戰。（想快啲做爸爸？）有得快啲o架咩？（有合適對象？）冇呀，過去5、6年自己一個都幾好。」