藝人黃翠如與洪永城以往拍攝特輯都曾到過很多戰亂或危險性甚高的地區，洪永城曾到伊朗、黎巴嫩等拍攝，翠如亦曾到亞馬遜、埃塞俄比亞、墨西哥的貧民窟，甚至土耳其戰亂地方。翠如接受訪問時坦言出發前有很多地方要注意，她說：「去埃塞俄比亞嗰邊土族好多都攞住AK47，拍攝前要同每一個族嘅族長傾過，人哋未批准唔可以影任何嘢，好多時候佢哋會要求你帶一啲嘢去，好似食物、煙草，同埋佢哋對好多電子器材有興趣，所以要特別小心。我都去過土耳其邊境，去時第二日有爆炸，好在我哋走咗。」說到一些如土耳其的戰爭地區，翠如指雖然防不勝防，但都要提高警覺，她說：「傳媒有機器會仲危險，以前啲人會驚，依家反而可能會成攻擊對象，所以盡量團體活動好啲。」她又指衞生問題同樣要關注：「好似亞馬遜，嗰度環境好惡劣，飲食要非常注意，亦要預先食痢疾藥、打針等。」