賈思樂遭扭耳仔露雲娜：唔好鹹豬手

露雲娜扭耳仔，賈思樂即露出痛苦表情，非常配合。

盧海鵬想抱「孫」

當年合作《蝦仔爹哋》與賈思樂結緣的盧海鵬上台大放笑彈，當賈思樂叫他講祝福語，鵬哥即說：「恭乜喜吖？你都就嚟兩蚊車費啦！應該做Daddy，整番件我抱孫。」至於獲賈思樂稱為「大婆」的露雲娜說：「今次你請咗6位靚女做表演嘉賓，鹹豬手唔好亂放呀！」語畢即作勢扭賈思樂耳仔。

感激各位畀面

賈思樂表示多謝各位靚女嘉賓拔刀相助：「大家好畀面，當日仲集合一齊同我影海報，羅敏莊件衫最低胸。嗰日影得好順利，佢哋全部聽我講，冇爭位冇是非。王馨平到時會用結他為我彈英文歌，而陳松伶會同我表演跳舞。（辣身舞？）賣個關子先。」另外，廖安麗笑指當年被賈思樂迷倒，不過相處後覺得還是做朋友比較好。

賈思樂感激六位靚女，影相冇爭排位。	盧海鵬不停搞gag，賈思樂笑到收唔到聲。	賈思樂獲多位好友到場支持。

文：影視組