何遠東殺出血路 想攞「飛躍獎」
藝人何遠東與麥美恩昨日於荔枝角出席商場活動，二人獻唱之餘更與小朋友玩遊戲，開心過復活節。近日何遠東在無綫劇集《心理追兇Mind Hunter》中演技大爆發，記起弒母時一幕爆喊戲，令人拍案叫絕！出席人生首個商演的他，指接工作時仍未播出他在《心》劇中的激喊演出，更笑指爆喊戲份播出後，曾致電問邀請他商演的負責人會否介意他是個「殺人犯」？他說：「冇諗過劇集播出之後有咁嘅反應，好感動！」
獲街坊支持吐烏氣
談到不少觀眾看好他奪無綫年底頒獎典禮中的飛躍進步男藝員獎，他說：「有獎梗係想啦，之前舞台劇有試過被提名，但冇攞獎，所以平常心去睇啦！」他坦言《心》劇播出時有被網友鬧：「話我啲戲好屎，叫斬走咗佢啦咁，初頭唔開心，但尋日出去拍外景，有街坊話支持我！好開心，入行以嚟未試過。（吐氣揚眉？）唔敢咁講，但係舒咗一口烏氣，因為入TVB好多時會畀人批評，舞台劇就少啲！」
而麥美恩早前被森美笑指她因不紅才留低繼續做《學是學非》，她指森美一向知她努力，被問會否擔心玩得癲而嚇怕打算追她的男士？她說：「驚o架！不過都冇咩嘢，佢哋會主動同我傾偈！」
文：影視組