容祖兒尾場開感性Mode 唱到凌晨唔願走

天后容祖兒在演藝學院舉行、共17場的《容祖兒．MY SECRET．LIVE》Side track演唱會圓滿落幕。前晚舉行的尾場演出上，愈唱愈興奮的祖兒表示要打破演藝學院紀錄，唱到12點才完騷：「就算你哋要走，我都唔捨得走！」個唱後半部分，換上黃色連身裙的她變得感觸，哽咽表示要特別多謝一個人：「佢騷前騷後都冇同我講好多嘢，但等我返到屋企會幫我準備消夜，準備盆水浸住我着高踭鞋嘅腳，然後靜靜咁返房瞓，佢就係我媽咪！」眼濕濕的她指母親近年與病魔搏鬥，雖然辛苦，但仍堅持支持她每場演出：「佢睇得好開心，我都好努力令佢睇得開心，希望以後每次演出佢都睇到！」

「守規矩」拒唱男友作品

去到觀眾點唱環節，有歌迷點唱其男友劉浩龍的作品《思覺失調》，祖兒笑說：「黐線o架，《思覺失調》都唔係我嘅歌……但真係幾好聽o架！我係講過抽到《Only you》都要唱，但犯規喎！我唔唱喇，下次開個other track先唱畀你哋聽。」其後以朗讀形式極速哼唱兩句。

祖兒與舞蹈員舞姿優美。	祖兒裙襬飄飄，十足花仙子。	放大圖片

完騷感覺空虛

受訪時，祖兒坦言是次演出籌備時間太長，她未來得及消化已完騷，感覺很空虛。提到未有演唱男友的作品，她說：「我唱咗兩句囉，算畀面，係導演話唔合乎標準。我好想唱o架，歌詞都搵埋出嚟，但導演嗌停。」並透露男友亦有觀看尾場演出：「佢喺後台睇，因為冇位呀。（台上唔多謝佢？）要多謝嘅，多謝唔晒嘅，留啲夜啲消夜先講，飲大兩杯咩都講！」至於問到母親的情況，她透露媽媽要一直服藥：「啲藥有好多副作用，每晚佢嚟支持我都話唔攰，但我完騷後覺得佢瘦咗同身體虛弱咗，所以完騷佢都應該好好休息一下，月底我會同佢去日本旅行。」

17場演出圓滿落幕，祖兒當然要飲香檳賀一賀！	祖兒的弟弟及母親都有撐場。	楊受成夫婦及狄波拉（左二）都是座上客。

文：音樂組　

攝：鄭家俊