Stephy輸波搵密友救亡
藝人鄧麗欣（Stephy）昨日帶領排球隊Loey參加公開排球賽的女子乙組賽事，她與隊員在賽事中頻頻失誤，連續兩局大比數落敗，最終輸掉比賽。受訪時，Stephy表示因為是首場賽事，大家比較緊張，而且對手很強，令她們有壓力：「我哋輸經驗囉，你見球證差唔多吹咗我哋二十次掂網呀、double（連擊）嗰啲，其實中間我有少少忟自己、忟隊友，但冇辦法啦。」
Stephy又指這次是打計分的循環賽，故每一局都很重要，最高分的兩隊才能升上甲組。問可會向台灣同性密友兼排球教練小牛請教？她笑說：「我依家就想打畀佢啦！但其實請教都冇用，排球係要睇成隊人嘅，所以要練習多啲。」她又透露5月中將拍新戲，但已預留日子出席之後的賽事。問現時可有簽新公司？她笑言仍是自僱人士，並否認加盟古天樂公司旗下。
