黎美言教拳 愈傷愈愛
歌手黎美言（Winkie）參演ViuTV的真人騷《G-1格鬥會》後，成功建立打女形象，她更專程考教練牌教拳，現時已教了差不多一年，成功將興趣變成職業。
問到經常磨拳擦掌，有否試過受傷？Winkie坦言：「試過，我右邊腳趾公係歪咗，但每參加一個運動都冇得預咁多嘢，師傅惟有教我盡量好好保護自己啦！受傷自己都唔想，冇辦法。」她又透露現時每星期會去通一次淋巴，並因而成為「骨精」，經常要去揼骨，她笑說：「要去鬆番啲骨！」雖然泰拳教練不易做，亦會因打拳受傷，但Winkie卻很享受，因為自從練拳後身形比之前健美，女人果然是「愛靚唔愛命」！
