愛貓準時過鬧鐘 馬貫東朝朝被踩醒

「十仔」馬貫東雖然忙拍無綫處境劇《開心速遞》，但時時都記掛家中的1歲半愛貓「衰仔」。他笑指「衰仔」經常需要高度關注，不容許受冷落，似足大明星：「佢好鍾意打斷我做緊嘅嘢，有時我睇緊劇本，佢會一隻腳踩上嚟，遮住所有嘢，一定要我去理佢，繼續唔睬佢嘅話，佢就會咬你！但佢又唔鍾意影相o架喎，一影相就避鏡頭，好搞笑！」他坦言起初家人反對養貓，但之後亦接受了「衰仔」：「佢依家喺屋企個地位仲高過我，唔知係咪我哋縱壞咗佢，搞到佢一定要食罐頭，唔畀就喵足成個鐘，有次我話想轉番乾糧，但係畀阿媽話：『人哋食開濕糧好地地，做乜無啦啦轉！』」他更指「衰仔」每朝準時早上8時就踩醒他叫他起身，好讓他乖乖做「貓奴」，準時向「主人」奉獻糧食。