保羅細佬代亡兄來港行善

電影《狂野時速》系列已故荷里活男星保羅獲加（Paul Walker）的弟弟Cody Walker，昨日偕太太Felicia出席由亡兄創辦的ROWW慈善活動。Cody透露今次首度來港，並順道帶太太觀光：「我哋會去Shopping同行山，去香港郊區感受吓大自然。下一站就係澳洲，整個活動會去五個城市。」身為藝人的他被問到有否興趣演出電影《狂野時速》系列，他說：「新一集我冇份演出，之後就要睇吓個劇本。（以保羅孖生細佬嘅身份出現？）或者！但感覺怪怪哋。」擔任大會司儀的何傲芝自認是愛車之人，但駕駛技術麻麻：「試過翻過一次車，嗰陣落雨跣胎，好彩自己爬出車廂，畀玻璃插傷手(月爭)，最擔心係父母，所以依家開車特別小心。」