個幾月冇見久別勝新婚 吳千語排期2020年做峯嫂
吳千語前晚出席慈善活動時透露，由於男友林峯工作忙碌，兩人已經個多月冇見，但笑言久別勝新婚。雖然拍拖多時，但她自言未有做人妻的準備，又指男友的工作已排至2020年，最快也要三年後才結婚。
藝人吳千語與滕麗名等前晚出席仁濟醫院就職晚宴，擔任表演嘉賓的歌手JW（王灝兒）以大低V性感上陣，非常吸睛！身穿露肩黑裙的千語表示剛從北京返港，現時以拍電視劇及網劇為主，問到與男友林峯是否少見面？她坦言已經個幾月未見過對方：「佢一直都喺內地拍劇！（點維繫感情？）靠傳短訊！好少傾電話，唔係好多時間。（好掛住佢？）慣咗喇！自己有自己忙都係好事，久別勝新婚嘛！」
問到會否想盡早結婚，千語坦言仍未準備好：「好多人話諗清楚先，婚後生活好唔同，時間樣樣要再分配。我都有諗過，但覺得自己未準備好做人妻。（爭啲咩？）年紀同時間，過多四、五年會唔同。（大家有共識？）佢知嘅，佢啲期都排到2020年啦！好忙。（去旅行？）完全冇時間，所以我都係同朋友去。（唔可以同男仔去？）一大班朋友OK，單獨唔會，除咗馬天佑。」
滕麗名寧願被「迷姦」
同場的滕麗名曾在《陀槍師姐2》中被藝人駱達華強姦，提到對方最近返港，阿滕指一直有跟對方保持聯絡，又指對方拍攝時很入戲：「嗰一幕戲係好多人嘅陰影！好變態！佢好入戲，諗起都起雞皮！（呢場戲好深刻？）黐到成身膠紙甩晒皮，導演仲放咗一籠曱甴，我話如果唔清走我唔入廠，我好記得，因為場戲拍咗好耐！（依家拍唔拍強姦戲？）強姦都得，但唔暴力得唔得？一係迷姦，舒服啲唔使畀反應。」
文：名人組