資深藝人徐少強近年於內地發展，最近被指搭上艷星，他對此鄭重澄清絕冇此事，並憤然指該艷星千方百計借他炒作新聞！為免再惹是非，原定跟該艷星再合作的他，已向新片投資方要求換角，決意永不合作，他更爆粗鬧該艷星：「畀我再見到佢，會打ｘ佢呀！」
66歲武打藝人徐少強與太太感情很好，並育有一仔一女，怎料日前卻傳出他背妻搭上內地艷星，徐少強覺得有人借他炒作新聞，所以昨日主動澄清並作出了大反擊，力數該艷星自製緋聞炒作，令他怒不可遏！原本徐少強將與該艷星合作網絡電影，但因他不想再與對方有任何瓜葛，故堅決要求老闆換角！身在內地的徐少強爆粗說：「見到呢啲炒作真係好嬲，我同老闆講要換角，或者唔好再同我有任何同場戲份，老闆都應承咗。如果畀我再見到佢（該艷星）會打ｘ佢呀！我同佢永不合作！」
與該艷星曾三度合作的徐少強指，每次都有奇怪事發生，他說：「第一次同佢合作，佢帶埋攝影師嚟片場，想影我同佢床上面嘅相，我即刻趕走佢嘅攝影師，因為唔知佢哋影呢啲相嚟做乜！第二次套戲，佢做我情婦，佢又成日話要同我自拍合照，我都拒絕。到第三次合作，佢話應劇組要求嚟內地機場接我，咁佢代表劇組，我唔會拒絕，嗰日係新戲記招，之後夜晚劇組同佢慶祝生日，就影咗我同佢切蛋糕嘅相，點知呢啲相就成為咗炒作嘅相片。」
徐少強指自己名氣不算大，又極少惹緋聞，不明白為何對方要千方百計借他炒作，令他十分憤怒，現表明永不合作，希望跟是非人物劃清界線！
文：影視組