翁虹棄出Trip 撐契哥杜平

藝人翁虹昨日穿低胸花裙到香港電影資料館，力撐契哥杜平，她說：「本來出發去北京拍嘢，但杜平座談會一定要支持，睇番佢嘅舊作，再聽佢講番同沈殿霞合作嘅往事，好勵志又有人情味！（想契哥拍劇？）咁耐冇拍劇嘅藝人，要揀啲高質素製作嚟參與，因為大家嘅精神同時間有限！」杜平則說：「今次專誠返香港，留到5月先返澳洲，返嚟見吓老朋友同fans。（契仔溫兆倫都嚟？）佢喺北京應該唔嚟，佢最近忙做導演。（請你客串？）有提過，但未知佢拍咩戲！（想幫TVB拍劇？）睇緣分，我今年81歲，而且依家嘅拍攝同以前好唔同喇！」