Chilam為城城封口 拎人情做善事
藝人張智霖（Chilam）到啟德郵輪碼頭出席慈善夜跑活動，對於被追問老友郭富城的婚事，他表示不知情，問到會否擺酒和做兄弟？Chilam坦言：「未收到通知。（見過新娘？）到時話你知，總之適當時候就有適當嘅答案。（送咩禮物畀一對新人？）生日同聖誕送嘢畀人已經好難，可能折現實際啲，一係將啲人情捐去慈善機構，祝佢哋前途一片光明。」
Chilam自言早前有半個月時間不在港：「我知嘅唔會比你哋多，都係記者朋友update我咋。（冇嬲？）冇，咁當年我結婚都冇通知好多人，始終結婚係兩個人嘅事。係咪撬唔開我把口呢？」談到慈善長跑，他笑指太太袁詠儀是田徑好手，當記者打趣問到是否「好難追」？他即謂：「唔夠佢跑o架，好彩當年係佢追我啫。」
至於準新郎郭富城與準新娘方媛連日來全力籌備婚禮，今日城城將現身電影金像獎，未知會否透露婚禮詳情，讓大家分享喜悅。