Joe Junior離ICU胃口大開

老牌歌手Joe Junior前日突然傳出因中風留醫ICU（深切治療部），其經理人Rose否認是中風，指Joe入ICU是方便做詳細檢查。休息一日的Joe昨午已搬離ICU，轉到綜合內科男病房，更透過經理人發相報平安，相中Joe精神奕奕躺在病床。Rose昨午現身醫院探Joe，再交代對方入院的原因：「醫生想觀察吓再安排通波仔，依家排緊期，Joe話多謝大家關心，佢好精神。」問到是否做手術前有藥物敏感而要押後？Rose否認：「唔係，佢年紀大要好小心，驚有併發症。（Joe太太好擔心？）有好嘅醫生團隊，所以好放心，Joe暫時休息兩個月。（Joe何時做通波仔手術？）我諗呢幾日做，醫生想佢最好狀態先做，佢面色紅潤，頭先都有同樂小姐（樂易玲）視像通話。（做完手術即復工？）通常通波仔兩三星期後可起身打波，視乎佢身體狀況。（好冇胃口？）尋晚（前晚）Joe太餵咗佢食大碟飯。」而Joe亦親自透過手機多謝記者慰問。