何超盈火紅透視 拍賣八千萬名畫

四太梁安琪、何超盈、范姜、鍾嘉晴及張王幼倫，昨晚出席保利香港拍賣慈善晚宴。以保利澳門董事兼首席執行官身份現身的超盈，身穿一襲高貴性感的紅色透視長裙，更獲母親到場支持。她表示保利香港與保利澳門聯合拍賣，重點推介曾梵志的《面具系列1996 No.6》：「底價八千萬，估計會拍賣過億。（叫媽咪投？）好多人想要。（自己要？）欣賞，經我手賣得出已經好叻，拎畫過程要競爭，要自己搵人。（有冇食過閉門羹？ ）試過被turn down，做呢行一定有。（係點？）好多年前做其他嘢試過，呢行講自己係邊個都冇用。（賭王個女都唔畀面？）冇用，都係睇錢。」談到有傳胞弟猷君簽做藝人，她否認其事並大讚弟弟樣子英俊，本身就像藝人。