同余文樂玩「One Night Stand」

人氣急升的歐鎧淳轉戰娛樂圈,最近獲邀夥拍楊千嬅及余文樂拍攝電影《春嬌救志明》。據悉,她在片中與余文樂大演對手戲,早前已拍攝了一場在公園相遇的戲份。劇情講述她遇見阿樂及一班朋友玩平衡車,故意上前搭訕,更站上平衡車與阿樂合照。阿樂在朋友慫恿下將合照上載至社交網站,並附上「One Night Stand」的標籤!

導演谷德昭當日同場演出,對這位影壇新貴讚不絕口:「我都係客串一日,冇特別埋去睇佢嘅演出,不過呢個女仔外形幾適合,加上佢係新手,但面對鏡頭都唔膽怯,呢樣幾緊要!(會邀請佢拍你啲戲?)咁要睇啱唔啱囉,遇到啱嘅角色都會嘅。」