歌手吳業坤憑電影《幸運是我》入圍金像獎「最佳新演員」,首個有對白的角色便一擊即中獲提名,他坦言相當驚喜!談到歌、影方面均略有成績,問是否覺得如片名一樣幸運?他自言有運之餘,亦相信時機及努力:「好難得天時、地利、人和都夾啱去造就到一件事。(有信心攞獎?)提名畀我留下美好回憶,但我冇信心攞獎。」坤坤的對手包括《美人魚》的林允及《骨妹》的余香凝等,他大讚對手強勁:「佢哋擺放喺電影嘅時間比我多,攞獎好值得!咁我都值得,但需要更多時間。」問是否打算搵個女友?他自覺未夠成熟去照顧女友:「可能要去到馬國明同洪永城咁,令大家覺得我成熟先會諗!」