屋企人教唔使認真 林德信拍散拖
瑜伽高手林德信（Alex）昨日在籃球場施展球技為飲品拍攝廣告，由於氣溫暫是今年最高溫度達攝氏27.6度，故拍攝了幾個入樽鏡頭後，他已熱到大汗疊細汗。問到是否全身濕透，他說：「OK啦，上身濕，下身未濕，仲幾清爽，一陣會除衫半裸拍攝，但下身都係着長褲。」Alex謂在英國讀書時是籃球隊隊員，自問球技不錯，但冇吸引女同學圍觀：「因為我讀嗰間係男校。（有冇男生睇你？）都冇。」
Alex和日模松岡李那相戀3年後於前年年底分手，現時自稱單身的他坦言只會拍散拖：「都唔心急結婚，所以對感情唔會咁認真。（邊個教你?）屋企人囉，佢哋話唔使咁認真喎，我依家嘅目標係努力工作。」