鄭紹康：託朋友問候蘇太
蘇永康曾自爆公關鄭紹康以三千蚊邀他出席活動而爆發罵戰。前晚蘇永康添丁，與他不咬弦的鄭紹康昨晚出席公開活動時，也大方恭喜對方，他說：「上星期佢哋有個聚會，我都有託朋友問候蘇太，做完嘢後會傳短訊恭喜佢。生BB係開心事，好戥佢開心。」
問傳短訊給蘇永康還是蘇太？鄭紹康說：「都一樣。（你哋有冇聯絡？）暫時一直未有聯絡，睇情況。（會唔會送禮物畀佢？）佢哋有朋友夾緊，睇情況，我如果夾到點解唔夾。（係咪仲嬲對方？）冇諗咁多啦，新一年向前看。（會唔會主動打畀對方破冰？）緣分嘅嘢，我會傳短訊畀主人家，會祝福小朋友。」