Wyman幫手諗名：So Far So Good

「阿公」蘇永康的好友黃偉文（Wyman）與徐濠縈昨晚現身活動時，均為好友添丁高興，Wyman說：「我尋晚等到消息先瞓得着，因為知道佢哋唔係年輕夫婦，又係第一胎。（睇咗BB相未？）連片都睇咗，覺得似爸爸，因為個頭好大。」他透露蘇太開刀前兩三天連續開了幾日派對見朋友，又指自己原本打算為BB改名，最後被蘇永康拒絕：「佢幫小朋友改個英文名，係同音樂有關，佢又搵到個玄學大師破例出山幫佢改中文名。我廿幾年前幫佢諗定啲名，如果生孖仔，一個叫So Far，一個叫So Good。（BB重幾多磅？ ）六磅幾七磅，當聽到母子平安，我真係想喊。」說時一度眼濕濕。徐濠縈則恭喜蘇永康一索得男，希望小朋友健康快樂成長。