楊愛瑾陪月甩底慌失失
現年32歲的前組合Cookies成員楊愛瑾（Miki），去年4月與拍拖8年的永安太子爺郭永淳結婚，11月初宣布造人成功的好消息。現時懷孕約8個月、將於5月榮升人母的Miki，臨盆在即當然少不了舉行Baby Shower派對慶祝，Miki上載與老公的恩愛合照，同場還有其一眾好友，包括余文樂前緋聞模特兒女友朱韵韵。
未買齊BB用品
Miki除了上載派對當日的靚相外，又以英文留言指陪月突然甩底，令她頓失預算：「The last few months has been super busy for me preparing all the baby stuff while my 陪月suddenly told us that she cannot work for us due to personal reason......（呢幾個月忙住準備BB嘢，不過個陪月突然話因私人理由甩底！）」她又大呻現時仍未買齊嬰兒用品，房子亦一片混亂，但肚子卻愈來愈大！
vMiki快將做新手媽咪，心情難免緊張，不過相信「愛妻號」郭永淳必定會為老婆及BB作好準備，準備迎接新生命！Miki昨日受訪時說：「搵到陪月啦，所以我哋都輕鬆咗。」又表示派對當日很開心，亦很窩心：「有個朋友好好，主動舉手幫我搞呢個派對，安排好晒，因為佢知道我好忙，我一啲都唔使擔心，有咁好嘅朋友，我好開心！」
文：專案組