電影《俠盜一號：星球大戰外傳》（Rogue One：A Star Wars Story）中，「智刃嚴」甄子丹與「霸煞馬斯」姜文互寸互撐，疑激出同志情成網民熱話，導演謝利夫愛德華斯（Gareth Edwards）近日出席South by Southwest電影節時為此解話。
謝利夫稱本身沒打算拍出同志情：「我明白觀眾可以咁理解，甄子丹之前都有問過：『你認為佢哋（智刃嚴與霸煞馬斯）係咩關係？』問佢哋係咪同志情？我認為如果佢哋係真有其人，而我當時拍緊佢哋，我都唔會知道，呢啲唔係一啲我哋可以睇得出嘅事，佢哋會收得好密，而我個人認為，佢哋係有啲曖昧嘅。」謝利夫更表示如果觀眾是這樣想的話，他會為帶到這個元素入《星戰》而感覺驕傲。