「狼人」曉積文（Hugh Jackman）主演的終章《盧根》（Logan）中，12歲「小狼女」Dafne Keen非常搶鏡，她受訪時透露角色靈感原來不是來自狼！
曉積文於《盧根》最後一次飾演超級英雄「狼人」，戲中12歲的西班牙童星Dafne則首次亮相銀幕，飾演「狼人」的「女兒」。被問到最初是如何被選中演「小狼女」時，Dafne回答：「我寄咗試鏡影帶。當時我喺馬德里，我記得感覺好奇怪，當我喺夜晚上咗床瞓覺時，佢哋就喺洛杉磯日頭時間睇我段片。」Dafne又透露其角色靈感，原來並非來自狼：「我哋去咗動物園，我睇咗好多動物去攞靈感演呢個角色，我演出時都係諗住熊。」
Dafne在片中有不少動作場面，被問到那一場最難應付時，她坦言：「我覺得全部都差唔多。」她又指所有動作特技人員都對她很好，她不但沒有抗拒吊威吔，反而很喜歡，覺得很好玩，每次空檔時間就會去找特技班受訓。至於最深刻的感情戲，她表示是與曉積文的最後一場戲。
被問到第一次演出就與國際大明星曉積文做對手戲，感覺如何？Dafne坦率表示：「好好呀，佢好好人。我同佢拍完一場喺車上面嘅戲，佢仲播AC/DC我聽。」問到面對英國國寶級演員「X教授」柏德烈史釗活（Patrick Stewart）的感覺又如何？沒想到Dafne竟然表現驚青謂：「我諗今次拍戲最驚青一刻，係我第一次見柏德烈史釗活嗰陣，因為試鏡時我已經見過曉積文。我第一次見柏德烈，所有人都在場。其實我排戲時都有同柏德烈見過面，但冇同佢講過嘢，所以唔計。我哋第一次正式講嘢係拍攝第一日。」不過Dafne很快便與兩位「老拍檔」打成一片，一起在車上唱歌，又玩文字遊戲。
Dafne出身演藝世家，父親是英國男星Will Keen，母親是西班牙女星兼導演編劇María Fernández Ache。Dafne第一次演出，係與父親合演電視劇《The Refugees》。
《盧根》導演James Mangold四出找尋合適的「小狼女」，不但要求身手靈活，更要能操雙語的10至12歲女童，其後才發覺合資格的人不多。導演收到Will傳來Dafne的試鏡短片，Dafne在屋企周圍爬，更徒手爬上12呎的書架，非常生猛，令導演一看便覺得找對人。
文：外娛組