甄詠珊整人奶梘似做蛋糕

藝人甄詠珊（Carisa）近年迷上製作手工番梘，愈做愈有心得。問到最喜愛的番梘，她首選人奶梘：「咁多種梘入面我最鍾意人奶梘，對皮膚好好，有好多天然營養成分。因為係自己整嘅，所以唔會有化學物質破壞皮膚嘅天然屏障，護膚功效事半功倍，不過要撞啱有朋友人奶夠多先可以整到，平時就會用牛奶代替。」
甄詠珊指製作手工梘過程並不複雜，只需細心混合材料。
甄詠珊指製作手工梘過程並不複雜，只需細心混合材料。

她表示最初接觸手工番梘亦是由人奶梘開始：「兩年前有朋友送咗舊人奶梘畀我，我用咗覺得好好用，所以就開始學整。」其實製作手工番梘並不複雜，只有數個簡單步驟，Carisa形容過程像整蛋糕：「只要將幾種材料溝埋，再加入氫氧化鈉，呢種物質係由鹽水經電解提煉出嚟，都係天然成分，之後加入想要嘅材料，例如蜜糖同牛奶等，慢慢攪拌到佢凝固就得。」她又提供小貼士，如果想保存得更好，就要將番梘放在乾爽地方：「一定唔可以浸水，最好買兩舊番梘輪流用，咁就Keep得最耐。」

甄詠珊做手工梘愈做愈有心得，早前更與友人擺年宵檔。
  • 甄詠珊做手工梘愈做愈有心得，早前更與友人擺年宵檔。