Ben Sir踩入化妝界搵真銀供樓
「文青女神」袁澧林（Angela）與香港語言學家歐陽偉豪（Ben Sir）昨晚齊齊出席化妝品品牌活動。Angela透露是入行以來首次代言，對酬勞很滿意：「有六位數字，代言一年。（新人嚟講收入升得快？）錢並非最重要，最想追求好劇本拍好電影，好想繼續喺演員方面發展，有廣告拍已經好感恩。」對於在廣告中以多個造型上陣，她表示最喜愛型格造型，問到會否轉行性感？她說：「好睇個人身形，暫時未有人發掘，鍾意型格嘅自己。（做打女？）都好，細個嘅我好運動型。」
陸浩明擔心舊同事
同場的Ben Sir由大學講師跳入電視圈教中文，再踩入化妝品界獲邀出席活動，問到是次酬勞如何？他識趣地說：「我哋呢啲講心唔講金，心中富有，仲可以嚟化妝！（賺多咗外快？）唔好話外快，多啲發展機會，同其他範疇合作。」問到是否搵真銀買樓？他指：「樓就買咗，想快啲供斷。（依家搵好多？）唔係(o架)，買吓衫、set吓頭都唔剩好多，幫補吓咁啦。」
另外，有線電視出身的陸浩明（6號）擔任司儀，提到有線電視前景，他表示有在WhatsApp群組問候舊同事，坦言擔心他們飯碗不保，自己會盡人事幫手。
文：專案組