趙雅芝大讚「新抱仔」：好好女仔

資深藝人趙雅芝與黃錦燊昨日出席慈善晚宴，提到細仔黃愷傑的女友劉凱茵（Denise）有傳專親近有錢人，趙雅芝即轉移話題大讚慈善基金幫助兔唇人士，故十分支持。問到黃愷傑的演藝發展，黃錦燊表示幾好，兒子月尾將拍完西片。趙雅芝談到對Denise的印象：「好好女仔，好多時都見面，但囝囝成日忙做嘢都好少見，之前去過探佢。（恨飲新抱茶？）順其自然。（Denise親近有錢人？）唔係嘅，香港咁細，識嚟識去都係嗰班人。」黃錦燊表示兒子要事業為重，又指香港多有錢人，想唔識都難。